समाचार

सशस्त्र प्रहरीद्वारा लकडाउनमा दुई नाल लोडेड भरुवा बन्दुकसहित विभिन्न हतियार बरामद

१५ जेष्ठ, कोहलपुर । कोहलपुरबाट सशस्त्र प्रहरीले लकडाउनमा दुई नाल लोडेड भरुवा बन्दुकसहित विभिन्न हतियार बरामद गरेको छ।

राजस्व अनुसन्धान कार्यालयमा रहेको सशस्त्र प्रहरी बल नम्बर ५४ गुल्मले आज बिहान कोहलपुर नगरपालिकाको वडा नम्बर ८ स्थित सितलछायाँँ सामुदायिक बन नजिकै रहेको सिक्टा नहरको पुल मुनि लुकाई राखेको अवस्थामा बेवारिसे दुई थान भरुवा बन्दुक बरामद गरेको हो।

बिशेष सुराकीका आधारमा गएको सशस्त्र प्रहरीको अपरेसन टोलीले भरुवा बन्दुकसहित २२ थान केप, केपमा आबश्यक पर्ने २ थान पटाका,३ थान सानो बारुद,५ सय ग्राम छर्रा,१ थान खुकुरी, बँदेल को रौसहित जनावर मार्न पर्योग गरिने पासो बरामद गरेको सशस्त्र प्रहरी नायब उपरीक्षक श्याम कार्कीले जानकारी दिएका छन् ।

हतियार कुन प्रयोजनका लागि राखिएको र कसले राखेको बारे थप अनुसन्धान प्रहरीले गर्ने र बरामद गरिएका हतियारलाई सम्बन्धित कार्यालयमा बुझाईसकेको डिएसपी कार्कीले बताए।

Leave a Reply

Your email address will not be published. Required fields are marked *