समाचार स्वास्थ्य

बाँकेका २१ जनाले जितेर घर फर्किए

९ जेठ, बाँके । खजुरामा रहेको सुशील कोइराला प्रखर क्यान्सर अस्पतालको आइसोलेसन वार्डमा उपचाररत नेपालगन्ज उपमहानगरपालिका वडा नम्बर ७ का एक जना र वडा नम्बर ८ का २० जनालाई कोरोना रिपोर्ट नेगेटिभ आएपछि आज डिष्चार्ज गरिएको भेरी अस्पताल नेपालगन्जका मेडिकल सुपरिटेन्डेन्ट डा.प्रकाश बहादुर थापाले जानकारी दिनुभयो ।

२४ घण्टाभित्र गरिएको दुई वटा परिक्षणमा कोरोना नेगेटिभ देखिएपछि १२ पुरुष र ९ महिलालाई आज फूलमाला र खादा लगाएर बिदाई गरिएको हो । उनीहरुलाई १४ दिन होम क्वारेन्टाइनमा बस्ने शर्तमा घर पठाइएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

नेपालगन्ज ८ का अन्य चार जनाको खजुरामै उपचार भइरहेको छ । बाँकेमा पहिलोपटक गत बैशाख १९ गते १ जनामा कोरोना संक्रमण देखिए यता हालसम्म १ सय १ जनामा संक्रमण पुष्टि भएको छ । जसमध्ये १ जनाको क्वारेन्टाइनमा मृत्युु भएको थियो । संक्रमित ७९ जनाको दाङ, नेपालगन्ज, खजुरा र कोहलपुरमा उपचार भइरहेको छ ।
उनी हरु घर पुग्दा पनि उनको घर परिवार खुसिले फुलमाला लगाएर स्वागत गरेका छन ।

Leave a Reply

Your email address will not be published. Required fields are marked *